Ji Baroyên Herêmê Daxuyaniya Hevbeş; Divê Em Di Her Şertî De Aştiyê Biparêzin!

TSK'ê di dîroka 20.11.2022an de bi balafirên şer di serî de Kobanê li ser gelek qadên bakur û rojhilatê Sûriyê operasyonên hewayî pêk aniye.

Li gorî agahiyên ji çavkaniyên vekirî hatin girtin, tê diyarkirin ku di operasyona leşkerî ya ku dest pê kir de kuştî û birîndar hene. Ger operasyonên leşkerî berdewam bikin, bê guman dê windahiya canan zêdetir bibe.

Qadên ku operasyonên hewayî lê tên kirin; qadên ku piştî şerê navxweyî yê ku ji sala 2011’an û vir ve li Sûriyeyê didome ji DAIŞ’ê hatine paqijkirin û ewlekarî ji nû ve hatiye avakirin, bi giranî qadên ku Kurd lê dijîn in.

Me wek welat bi salan e bi êşên mezin tecrûbe kiriye ku şer, pevçûn û tundî li şûna çareserkirinê pirsgirêkan kûrtir dike. Tişta ku îro pêdiviya me pê heye; Ne bi organîzekirina operasyonên leşkerî yên li herêmên ku Kurd lê dijîn kûrkirina pirsgirêkê ye, bi hemû beşên civakê re li hev hatin e. Ji bo her kesî girîng e ku Tirkiye bi parastina aştiyê têkiliyên xwe yên bi gelên cîran re bidomîne.

Kes, kom û gel; xwediyê mafê jiyaneke di nav aştiya jêneger, dadperwer, domdar û mayînde ne. Berpirsiyariya dabînkirin û parastina vî mafî li ser milê dewletan e.

Em Baroyên ku li jêr îmzeya wan heye, bi berpirsyariya parastina aştiyê ya li dijî şer; em van operasyonên ku dê ji çareserkirina pirsgirêkên li herêmê zêdetir bibin sedema pirsgirêkên nû di hêla zemîna aştiya di navbera gelan de xeternak dibînin û hikûmetê vedixwînin ku li şûna destwerdanên leşkerî ji bo pirsgirêkan li çareseriya siyasî ya aştiyane bigere.

1- Baroya Agiriyê
2- Baroya Êlihê
3- Baroya Çewlîgê
4- Baroya Dêrsimê
5- Baroya Amedê
6- Baroya Colemergê
7- Baroya Mêrdînê
8- Baroya Mûşê
9- Baroya Sêrtê
10- Baroya Rihayê
11- Baroya Şirnexê
12- Baroya Wanê