Em 33 Welatiyên Xwe yên 5 Sal Berê li Pirsûsê Hatin Kuştin Bi Rêzdarî Bi Bîr Tînin

Warê em lê ne şahidiya bi dehan trajediyan kir. Ji ber ku bi rastî rû bi rû bûn çênabe tarîx ducarî dibe û her roj qetilamên nû çêdibin. 33 ciwanên 5 sal berê bi xeyalê dinyayeka bi aştî bi rê ketin li Pirsûsê hatin kuştin. Li pey xwe xeyal, ken û têkoşana xwe hiştin û ji me qetiyan.

Hê jî fail tu nîn in. Darizandin nîn e. Tu lêkolîn nîn e di der heqê pişta perdeyê ya bûyerê da. 5 sal in bi tenê darizandinek ku hedefa wê ne rastî ye bi awayekî formel berdewam e. Heta ku dawî li politikaya bêcezahiştinê neyê anîn ev qetilam û qetilamên bi vî awayî dê bibin qedera warê me. Em cardin bangê li rayedaran dikin; rû bi rû bûna bi rabirdûyê ra rêya bi tenê ye ku birîna me ya xwîn jê tê qalik bigire, baş bibe.  Daxwaza me ew e ku hûn derxin meydanê û aşkera bikin ku li Pirsûsê çi qewimî, di vê qetilamê da kirina ji qestî, qisûr û îhmal he ne ya na; bibêjin ji gel ra û failan derxin pêşberê darazê.

Em 33 xwişk û birayên xwe yên li Pirsûsê hatin qetil kirin bi rêzdarî bi bîr tînin. Xewneroja wan a jiyana bi demokrasî, azadî û bi xwişk û biratî ya me ye jî.

Baroya Diyarbekirê