Em Lêpirsînên Arasteyî Parêzeran a Ji Ber Xebatên Wan Ên Pîşeyî Qebûl Nakin.

Di wergiriya lêpirsîna ku Serdozgeriya Komarê ya Amedê dahiye meşandin de, li ser biryara lêgerîn û binçavkirinê ya 3'yemîn Dadweriya Cezaya Sulhê ya Amedê duh di saetên sibehê de girtine ser malên 5 hempîşeyên me yên endamên Baroyê. Piştî kirariyên lêgerînê 4 hevalên me hatine binçavkirin. Piştî ku îro îfadeyên wan ên zebtî hatin girtin hempîşyên me anîn Edliyeyê, piştî îfadeyên wan ên li dozgeriyê bi daxwaza kontrola edlî sewqî Dadweriya Cezaya Sulhê hatin kirin. Dadweriya Cezaya Sulhê, bi redkirina daxwaza kontrola edlî biryara serbestberdana hempîşyên me da.

Digel hikma vekirî ya xala 58'mîn a Qanûna Parêzeriyê ya bi Hejmara 1136'an a bi awayê "Nivîsgeh û xaniyên parêzeran tenê bi biryara dadgehê û di derbarê bûyera ku di biyarê de hatiye diyarkirin de di bin venêrîna Serdozgerê Komarê û bi beşdariya nûnerê/a baroyê de dikare lêgerîn bibe" jî agahiya di derbarê xebatên lêgerînê de ji Baroya me re nehatiye dahin. Lêgerîn bêyî nûnerê/a Baro û dozgerî/ê pêk hatiye.
Em dûçarhiştina parêzeran a lêpirsînê ya ji ber xebatên xwe yên pîşeyî û bi serdagirtina malan binçavkirina parêzerên ku her roj li edliyeyê ne qebûl nakin, em bi raya giştî re parve dikin ku em dê li hember lêgerînên ku bi awayekî derqanûnî pêk tên şopdarê pêvajoya hiqûqî bin.