Em Parêzkarên Serbixwe yên Daraza Nebiserêxwe, Em ê Dengê Xwe Bikin!

Wezaret Dadê du roj berê wiha got: ‘’ Guhertina yasayê parêzeriyê me nekiriye dabaş ji xwe ra’’ Serokkomarî tam tersê wezaretê got ku ew ê dest di pergala hilbijartinê ya baro û hin rêxistinên pîşeyî bikin. Di vê dema têkoşînê bi coronayê ra dewlet welatiyan ji nîmetên prensîba dewleta civakê tevî mehrûm dihêle, mirovan di mal da heps dike û mehkûmî xizaniyê dike û wan terkî qedera wan dike. Ji aliyekî va jî vê rewşê ji xwe ra dike fersend da ku yasayê parêzeriyê biguhere.

Di dema Rewşa Awarte da rêxistinên sivîl ên civakî yên mixelef tev bi qiraqnameyên bi hikmê qanûnan bi nehuqûqî  hatin girtin. Pê qayîl nebû medya û darazeka aliyê desthilatê çêkir. Zanîngeh ji zanist û fikra azad hat xalî kirin. Îcar ji kengî va ye ku wan dil heye dest bidin baroyên ji bo raseriya huqûq û dahatûyê têdikoşin da ku welatî bikarin xwe bigihînin edaletê.

Desthilat bi endezyariya civakî dest di her warê jiyanê dide, gavekî vê endezyariyê yê din jî ew e ku bi vê guhertinê bike ku baro jî bêyî şert û merc destekê bidin hikûmetê, jê ra li çepikan bixin, baro jî bikevin bin nîrê polîtîkayên tekparêziyê da ku deng ji xwedanên fikra mixelef dernekeve.

Baroya Diyarbekirê ya ku her û her ji bo raseriya huqûqê têkoşiyaye; wê ji îro pê da jî parastina mafên takî û kolektîv ên gelên Tirkiyeyê, heq û huqûqa kar û hevkarên xwe bi heman biryardariyê bipareze. Ji bo ev pêşnûmaya pê armanc fetisandina civaka sivîl û baroyan e nebe destûr em parêzkarên serbixwe yên daraza ne bi serê xwe em huş nabin. Tevî sed û sih hezar hevpîşe û dostên xwe em ê bi hev ra bikevin her hewlê û têbikoşin.

Em hurmet dikin.

Baroya Diyarbekirê