Êrîşa arasteyî parastınê nayê qebûlkırın!

Di nûçeyên ku ketine çapemeniyê de; li ber Dadgeha Îzmîrê rojnamevanek û 26 parêzerên ku endamên Komeleya Hiqûqnasên Azadîxwaz (OHD) û yên Komeleya Hiqûqnasên Hemdem(ÇHD) in di dema ku xwestin di derbarê tayînkirina qeyûman a li Şaredariyên Bajarê Mezin ên Amed, Wan û Mêrdînê daxuyaniya çapemeniyê bidin hatin derbkirin û binçavkirin.

Em êrîşa arasteyî hempîşeyên xwe yên ku ji bo di derbarê biryara tayînkirina qeyûm ku wek teserûfeke îdarî ya derhiqûqî ketiye jiyanê û baweriya ji îdeala dewleta hiqûq a demokratîk, di nav aştiyê de bi jiyankirina digel hev re jî bi temamî ji holê hatiye rakirin de, ji raya giştî û çapemeniyê re fikrên xwe ragihînin civiyane pêk hatiye qebûl nakin û bi tundî şermezar dikin. Pîşeya parêzeriyê di heman demê de hewce dike maf û azadiyên bingehîn jî biparêzin ku makezagonê û peymanên navneteweyî yên din ku em girêdayîne jî ew xistine bin ewlehiyê. Êrîşa ku arasteyî hempîşeyên me yên ku bi mebesta îfadekirina fikrên xwe û nêrîna xwe ya di derbarê mafê civîn û xwepêşandana aştiyane, azadiya îfadeyê, mafê rêxistinbûnê, mafê bijartin û hilbijartinê yên ji maf û azadiyên bingehîn ku ji dîroka 19.08.2019’yan pê ve hatine binpêkirin hatine ba hev pêk hatiye û piştî êrîşê bi pêvekirina kelepçeya ters binçavkirina wan, derbeyeke li parastina ku nûnera lêgerîna edalet û hiqûqê ye, wek berdewamiya derbeya ku bi tayînkirina qeyûman li siyasetê hatiye kirin e.

Em wek Baroya Amedê destnîşan dikin ku em li kêleka hempîşeyên xwe ne ku dûçarê îşkence û muemeleya xerab mahine û em dê şopdarê lêpirsîna ku dê di derbarê kiryarên vê sûcê de were destpêkirin bin û em dxwaz dikin ku hempîşeyên me yên ku hatine binçavkirin di cih de serbest werin berdan, di derbarê berpirsiyar û hêzên zebtî ku mumeleya xerab û kirariya îşkenceyê pêk anîne de di cih de lêpirsîna edlî û îdarî were destpêkirin. 22.08.2019

Lijneya Rêveberî ya Baroya Amedê