Serokê Baroya Me û Endamên Me Yên Lijneya Rêveberiyê Li Îçkaleyê Lêkolîn Kirin.

Di dezgehên çapemeniyê de hatiye ragihandin ku li Taxa Cevatpaşa Kolana Hz. Silêman a Kuçeya Îçkaleya Navçeya Sûrê di xebatên restorasyonê ku didomin de îskelet û hestiyên mirovan hatine dîtin, cihê mijara gotinê di salên 1990'î de ji hêla JÎTEM'ê ve weke navenda lêpirsîn û înfazê hatiye bikaranîn.

Ji ber ku cihê mijara agahiyê di salên 1990'î de ji hêla JÎTEM'ê ve dihat bikaranîn û her tim wek cihê ku bi windahiyên di bin çavan de ketiye rojevê Serokê Baroya me û Endamên Lijneya Rêveberiyê çûne qada xebatê ya mijara gotinê.

Hatiye raçavkirin ku li herêmê ji hêla şîrketeke taybet ve xebatên restorasyonê tên berdewamkirin. Di hevdîtinê de ku bi rayedarên şîrketa taybet ku xebatên restorasyonê dike re pêk hat dahine ragihandin ku di meha Gulanê de di dema xebatên restorasyonê de rastî 3 îskeletên mirovan hatine, îskeletên mirovan ên mijara gotinê bi awayekî bi rêkûpêk kirine bin qeydê, dîmenê girtine, bi girteyê ve girê dahine û tevî raporê wan radestê Gerînendetiya Muzeyê kirine. Di hevdîtina ku bi rayedarên muzeyê re hat kirin de hat ragihandin ku îskeletên 3 kesan radestî wan hatine kirin û di bin parastinê de hatine girtin.

Weke Baroya Amedê bi raya giştî re parve dikin ku em dê pêvajoyê bişopînin û di mijara tespîtkirina îskeletên mirovan de ku yên kê û aîdê kîjan dîrokê ne em dê pêvajoya zagonî bidin destpêkirin.