9'emîn Komcivîna Mafên Ajalan a Baroyên Tirkiyeyê Bi Mazûvaniya Baroya Me Pêk Hat

9'emîn Komcivînên Mafên Ajalan a Baroyên Tirkiyeyê; bi mazûvaniya Baroya me; bi beşdariya Baroya Edenê, Baroya Enqerê, Baroya Bûrsayê, Baroya Dîlokê, Baroya Rihayê, Baroya Konyayê, Baroya Antalyayê, Baroya Îzmîrê, Baroya Tekîrdagê, Baroya Samsûnê, Baroya Mûglayê û Baroya Hatayê îro (10.09.2022) hat lidarxistin. Komcivîn bi rojeva heywanên ceribandinê, pirsgirêka nêçîrê, pirsgirêkên li navendên rehabîlîtasyon û lênêrîna ajalan, aktîvkirina sepana HAYDÎ û binpêkirina mafan a li dijî ajalên ku li kuçeyan dijîn pêk hat. Biryar hat dayîn ku encamnameya komcivînê bi raya giştî re bê parvekirin û komcivîna piştî vê di bin banê Baroya Mûglayê de bê lidarxistin. Weke Baroya Amedê û Navenda Mafên Ajalan a Baroya Amedê em spasî ji Baroyên xwe yên beşdar re dikin. Bi vê minasebetê em careke din bi raya giştî re parve dikin ku weke Baroya Amedê em dê di her platformê de parastina mafên ajalan bikin.

ENCAMNAMEYA KOMCIVÎNA MAFÊN AJALAN A 9'EMÎN A BAROYÊN TIRKIYEYÊ
 
1. Ji bo dozên betalkirina li hember îhaleyên nêçîrê dê mekanîzmaya serîlêdana bi komî ya li nik baroyan û bi kesane were pêkanîn.
2. Bi taybetî hemû baro dê bi serîlêdanên ji zanîngeh û saziyên din ên li bajarê ku lê ne daneyên li ser ajalên ku di ceribandinan de hatine bikaranîn berhev bikin û di kongreya pêş de ji bo nirxandinê veguherînin daneyên hevpar.
3. Di çarçoveya agahiyên ku di der barê bûyerên ku li navçeyên Meram, Mûdanya, Bayindir û Golbaşiyê pêk hatine de bi dest ketine dê raporên hevpar ên cihê cihê û daxwaznameyên serlêdanê yên li ser van raporan werin pêkanîn, dê li nik baroyan bi daxwaznameyên hevpar serlêdanên edlî û îdarî yên pêwîst bên kirin.
4. Dê xebata raporkirinê ya li ser sepanên ku wek "Qada jiyana xwezayî" tên pênasekirin were kirin û ji bo serîlêdanên edlî/îdarî dê daxwaznameyên hevpar bên amadekirin.
5. Dê li nik her baroyê di hêla beşdariya li Lijneya Parastina Ajalên Bajêr de hewldan pêk werin.
6. Ji bo dê xebitandineke bi aktîf a sepana HAYDÎ'yê amadehî û xebatên pêwîst bên kirin.
7. Bi hevkariya Wezareta Çandinî û Daristanan û Baroya Enqereyê dê komxebatek bê lidarxistin.
8. Ji bo meşandina biryarên ku di Komcivînê de hatine girtin dê "Lijneya Rêveber" bê avakirin.
9. Ji bo 10'emîn Komcivîna Mafên Ajalan dê di bin banê Baroya Mûglayê amadehî bên destpêkirin.